For 9. gong blir det arrangert kulturhelg i Angvik. I år er arrangementet utvida med marknadsdag laurdag, konsert laurdags kveld og den tradisjonelle Liakonserten søndag ettermiddag. Laurdag føremiddag frå kl 11.30 blir det marknad på Angvik Gamle handelsstad. Redningsskøyta Erik Bye legg til kai, og det blir også besøk av den vesle rednigsskøyta Elias. Musset blir ope for omvising, og det vil bli gamle leikar for born ved museumskoordinator ved Nordmøre Museum, Ingvild Ruland. Sal av middag ved Angvik Gamle Handelssted. Klokka 18.00 blir det muleg å nyte ein trerettars middag ved Angvik Gamle Handelsstad. Deretter blir det konsert i Angviksalen med Nordmørsgruppa Brann i Blått (Unni Boksasp, Torgeir Leivdal, Gro Kjelleberg Solli, Øystein Sandbukt.) Etter konserten blir det pubkveld med musikalsk underhaldning av Jan Ketil Duås (Drengen). Søndag ettermiddag kl 16.00 blir det utekonsert i naturskjønne omgjevnader på garden Solli-Lia. Hit kjem årets spelemannsprisvinnar Gjermund Larsen trio. Sal av tradisjonskost bakels og graut.